Արմինֆո. ՏԿԵ նախարարի տեղակալ Հովհաննես Հարությունյանն ընդունել է ԱՄՆ դեսպանատան տնտեսական և առևտրային բաժնի ղեկավար Ուորեն Վիլսոնին։
ՏԿԵՆ հաղորդագրության համաձայն, Հարությունյանն ընդգծել է հանքարդյունաբերության կարևորությունը ՀՀ կառավարության համար և շնորհակալություն հայտնել հյուրին այդ ոլորտում համագործակցության ԱՄՆ պատրաստակամության համար։
Նախարարի տեղակալը նաև շեշտել է Հայաստանում ընդերքօգտագործման ոլորտում ամերիկյան կապիտալի ներգրավվածության հանգամանքը և կարևորել հանքարդյունաբերության ոլորտում ԱՄՆ-ի հետ փորձի փոխանակման նպատակով հնարավոր համագործակցությունը։
Հանդիպման ընթացքում ընդգծվել է օգտակար հանածոների մատակարարման շղթաների ամրապնդման և հանքարդյունաբերության ոլորտում համագործակցության շարունակականության կարևորությունը։
Նախարարի տեղակալը շնորհակալություն է հայտնել հյուրին արդյունավետ քննարկման համար և հույս հայտնել, որ քննարկման հարցերի լուծումները օրակարգում պահելը լրացուցիչ խթան կհանդիսանա հանքարդյունաբերության ոլորտում համագործակցության սերտացման համար։
Ավելի վաղ ԱրմԻնֆո-ն, հղում անելով ՀՀ վիճակագրական կոմիտեի տվյալներին, հաղորդել էր, որ հանքարդյունաբերության և բաց քարհանքերի մշակման ոլորտում 2023թվին՝ 2022թ համեմատ անկումն արագացել է մինչև 6,4% (մեկ տարի առաջվա 3,2%-ից)' ապահովելով 463.2 մլրդ դրամ ծավալ: Միայն անցած տարվա դեկտեմբերին հանքարդյունաբերության հատվածն ապահովել է 35 մլրդ դրամի արտադրության ծավալ ՝ ամսական 7,9% աճով։
RUB | 4.26 | -0.01 |
USD | 387.60 | -0.49 |
EUR | 420.12 | -1.81 |
GBP | 490.31 | -1.36 |
CAD | 284.16 | -0.61 |
JPY | 24.87 | -0.22 |
CNY | 53.63 | -0.14 |
CHF | 426.22 | -3.84 |